Осы апта Алматының қандай аумағында жарық өшіріледі
АЛМАТЫ. KAZINFORM – Алматыда 9-13 қараша аралығында электр желілеріндегі жоспарлы жұмыстарға байланысты бірқатар көшеде электр энергиясы уақытша өшірілуі мүмкін.
«Алатау Жарық Компаниясы» АҚ осы аптаға арналған жоспарлы жұмыстар кестесін жариялады. Аумаққа байланысты бұл жұмыстар негізінен сағат 08:00 немесе 09:00-ден 17:00-ге дейін жүргізіледі.
Электр энергиясын өшіру келесі кесте бойынша жоспарланған:
9 қараша – жұмыстар Сүйінбай, Райымбек, Абай даңғылдарының, Байтұрсынов, Тимирязев,Желтоқсан, Назарбаев көшелерінің жекелеген учаскелерін, сондай-ақ Ақжар, Қалқаман, Қарағайлы,Таугүл және Мұзтау шағынаудандарын қамтиды.
10 қараша – жарық Абай, Райымбек, Төле би, Бөгенбай батыр даңғылдарының, Сейфуллин, Дүйсенов, Розыбакиев, Түркебаев көшелерінің жекелеген учаскелерінде, сондай-ақ Айгерім-1, Ақжар, Алғабас және Таугүл шағынаудандарында өшуі мүмкін.
11 қараша – кестеге Қазыбек би, Желтоқсан, Сәтбаев, Жандосов, Әуэзов көшелерінің, Жансүгіров даңғылының жекелеген учаскелері, сондай-ақ Ақжар, Қалқаман және Қарағайлы шағынаудандары енді.
12 қараша – электр энергиясын өшіру Абай даңғылының, Гоголь, Панфилов, Құрманғазы, Жандосов, Дулати көшелерінің жекелеген учаскелерінде, сондай-ақ Ақжар, Қалқаман және Достық шағынаудандарында жоспарланған.
13 қараша – жұмыстар Жамбыл, Сәтбаев, Наурызбай батыр, Луганский көшелерінің жекелеген учаскелерінде, сондай-ақ Ақжар, Қарағайлы және Таугүл шағынаудандарында өтеді.
Жарық өшірілетін мекенжайлардың толық тізімі «Алатау Жарық Компаниясы» АҚ сайтында жарияланған.
Еске салайық, бүгін Алматы метросында төлем жүйесіндегі ақау кесірінен кезек пайда болды.
