«Оскар» сыйлығының екі дүркін иегері Джин Хэкмен өмірден озды

АСТАНА. KAZINFORM – «Оскар» сыйлығының екі дүркін иегері Джин Хэкмен мен оның әйелі Бетси Аракава Нью-Мексико штатының Санта-Фе қаласындағы үйінде өлі күйінде табылды, деп хабарлайды ВВС. 

Хэкмен 95 жаста, оның әйелі 63 жаста еді. Актер есірткі бизнесіне қатысты «Француздық байланысшы» (1971 ж) қылмыстық боевигіндегі рөлі және 1992 жылы «Кешірілмеген» вестерніндегі рөлі үшін екі рет «Оскар» сыйлығына ие болды. 

Хэкман, оның пианист әйелі Бетси Аракава және олардың иті Санта-Федегі (Нью-Мексико) үйінде өлі күйінде табылды, деп хабарлады полиция. 

Ақпаратта олардың бір күн бұрын өлгені айтылды. Santa Fe New Mexican сайты округ шерифіне сілтеме жасап жазуынша, зорлықпен өлтірілудің ешқандай белгілері анықталған жоқ. 

Хэкменның мансабы 1960 жылдары басталды және ол 80-нен астам фильмге түсіп, теледидарда жұмыс істеді. «Оскар» сыйлығынан басқа, ол үш рет «Алтын глобус» және екі рет BAFTA сыйлығын алды.

Бұған дейін хабарланғандай, танымал актриса Мишель Трахтенберг қайтыс болды.