«Оскар» сыйлығының үш мәрте иегері енді киноға түспейтін болды
АСТАНА. ҚазАқпарат - Британдық актер Дэниел Дэй-Льюис өзінің өнердегі мансабын аяқтауға шешім қабылдады. Бұл жайлы актердің өкілі хабарлады, деп жазады Variety.
Дэниел Дэй-Льюис - тарихта ең үздік ер адам рөлі үшін «Оскар» сыйлығын үш рет (1990, 2008 және 2013 жылдары) алған жалғыз актер.
Актер өкілінің хабарламасында «Дэй-Льюистің «енді актер ретінде жұмыс істемейтіндігі және қолдау білдіріп келген әріптестері мен көрермендеріне шексіз алғысы » айтылған.
Алайда атақты кино жұлдызы не үшін өнердегі мансабын аяқтап отырғандығын ашып айтпады.
Фото: Jason Merritt / Getty Images
