Өскемен қаласында 2-3 балл қуатымен жер сілкінді

АСТАНА. ҚазАқпарат - ҚР Білім және ғылым министрлігі «Сейсмологиялық тәжірибе-әдістемелік экспедициясы» ММ-нің сейсмикалық стансалар желісі 2 ақпан күні 03 сағат 54 минутта жер сілкінісін тіркеді. Бұл туралы ҚР Ішкі істер министрлігі Төтенше жағдайлар комитетінің ресми өкілі Нұрсұлтан Нұрахметов мәлім етті, деп хабарлайды ҚазАқпарат.

Зілзаланың ошағы Алматы қаласынан солтүстік-шығысқа қарай 616 шақырым қашықтықта Қазақстан мен Қытай мемлекеттерінің аумағында орналасқан.

Энергетикалық санаты - 12,9. MPV магнитудасы - 5,8. Орналасу тереңдігі - 5 шақырым.

Жер сілкінісі Өскемен қаласының Зайсан қаласында 2-3 балл қуатымен сезілді (MSK-64 бағаны бойынша).

«Құрбан болғандар мен қираулар туралы мәліметтер түскен жоқ», - деді ҚР ІІМ ТЖК ресми өкілі.