Өскемен маңында өрт өршіп тұр

АСТАНА. ҚазАқпарат - Күн сайын өскемендік өрт сөндірушілер құрғақ шөптің жануы салдарынан бірнеше рет өрт ошағын сөндіруге шығады.

Олар тілсіз жаудың етек жаюына жол бермейді, деп хабарлады YK-news.kz.

ШҚО ТЖД ақпаратынша, шөптің жануы өрт шығу қаупінің арту уақытының келуіне байланысты.

«Көп жағдайда жалын тілі жүз шаршы метр аумақтан аспайды, - деді ведомствода. - Бұл маусымдағы жалғыз ірі өрт 23 шағынауданда болды. Оның аумағы төрт гектарға жетті, тек тұрғын жайдан басқа екі құрылысқа зардабы тиді».

Мамандар өрттің тууына темекі қалдығын тастау, отты абайсыз пайдалану, сынған шыны салдарынан құрғақ шөптің өртенуі себеп болуы мүмкін екенін айтты.