Өскеменде бильярдтан Азия чемпионаты басталды

АСТАНА. ҚазАқпарат - Өскеменде бильярдтан ерлер арасындағы Азия чемпионаты өтіп жатыр, - деп жазады khabar.kz.

Сайысқа 9 елден жиналған бильярд спортының белді саңлақтары қатысуда. Олардың арасында жоғарғы санатты спортшылар қатары көп.

«Ойын аса тартысты әрі қызықты өтуде», - дейді ұйымдастырушылар.

Төрешілердің айтуынша, бильярдта күтпеген өзгерістер жиі болып тұрады. Сондықтан алдын ала болжам жасау қиын. Мәселен, осы жолы қазақстандық жас спортшы Ресейдің танымал бильярдшысын жеңді. Жалпы отандық құрама осал еместігін көрсетіп келеді.

Бес күнге жалғасатын чемпионатта жерлестеріміз жеңістен үмітті.