Өскеменде бүгін жылыту маусымының басталуы туралы ресми хабарланды

ӨСКЕМЕН. 10 қазан. ҚазАқпарат - «Өскемен жылыту жүйелері» АҚ 10 қазаннан бастап жылыту маусымының басталуы туралы ресми хабарлады.

Бұл ретте қала әкімшілігі таратқан хабарламаларда жылу энергетиктері нысандарды жылуға жылу қабылдауға техникалық жағынан дайындықтар біткен, үйлерді қосу кестелері мен кәсіпорындар мен мекемелер тарапынан өтінімдер түскен кезде ғана қосатынын еске салды.

Хабарламада жылыту маусымының басталуы ауа температурасының тұрақты төмендеуімен байланысты екені атап өтіледі.

Атап өтейік, бірнеше күн бұрын орталық жылыту жүйесіне балабақшалар, мектептер және ауруханалар қосылды.