Өскеменде екінші күн қатарынан қолайсыз метеорологиялық жағдай жарияланды

ӨСКЕМЕН. KAZINFORM – Өскемен қаласында ертең тағы да қолайсыз метеорологиялық жағдай қалыптаспақ. 

Өскеменді қайтадан түтін тұмшалап барады. Себебі кешелі бері жел соқпай тұр. «Қазгидромед» РМК ертең тағы да қолайсыз метеорологиялық жағдай қалыптасатынын жария етті. 

— Бүгін сағат 20.00-ден бастап 6 желтоқсан 20.00-ге дейін Өскеменде екінші дәреже туралы ескерту жарияланды, — делінген хабарламада. 

Осы ретте, тұрғындарға ҚМЖ кезінде далада ұзақ жүрмей, пәтердегі терезелер мен желдеткіштерді жауып отыруға кеңес берілді. Сондай-ақ қайнатылған, тазартылған немесе газсыз минералды су мен шәй ішіп, ас содасының ерітіндісімен тамақты жиі шаю қажет.

Еске салсақ, осыған дейін Өскеменде экология саласына бөлінетін қаражат көлемі өсетіндігі хабарланған.