Өскеменде қоқыстан табылған нәрестеге қатысты қылмыстық іс қозғалды

ӨСКЕМЕН. KAZINFORM – Өскемен қаласында қоқыстан шақалақтың денесі табылған. Аталған оқиға бойынша қылмыстық іс қозғалды. 

Шығыс Қазақстан облыстық Полиция департаменті баспасөз қызметінің мәліметіне сүйенсек, жаңа туған нәрестенің денесін куәгерлер 23 ақпан күні қоқыстың арасынан көріп, полицияға хабар берген.

Аталған оқиға бойынша қылмыстық іс қозғалды. 

— Жедел іс-шаралар барысында жаңа туған нәрестенің анасы табылды. Қазіргі уақытта болған оқиғаның барлық мән-жайын анықтау үшін тергеу амалдары жүргізіліп жатыр, - деп хабарлады ведомство өкілдері.

Бейресми мәліметтерге сүйенсек, анасы баласын қоқысқа өзі тастаған. 

Еске салсақ, бұған дейін СҚО-да былтыр 5 мың нәресте туып, 6 мың адам қайтыс болғаны хабарланған.