Өскеменде Конституция күніне орай бірнеше халықаралық фестиваль өтеді

ӨСКЕМЕН. ҚазАқпарат - Биылғы жылы Өскеменде ҚР Конституция күнін мерекелеу бірнеше ірі халықаралық шараларды өткізумен тұспа-тұс келді. Оған көптеген шетелдік қонақтар келмек.
None
None

30 тамызда өскемендіктер мен қала қонақтары тамаша мәдени бағдарламаның куәсі болады. Салтанатты рәсімдерден бөлек, мемлекеттік мереке құрметіне облыс орталығында халықаралық деңгейдегі іс-шаралар өтеді: VI Дүниежүзілік бұғы шаруашылығымен айналысушылар конгресі, V халықаралық бал фестивалі, сондай-ақ халықаралық туыстас қалалар фестивалі.

Аталмыш шараларға Қазақстанның барлық өңірлерінен өкілдер, сондай-ақ Ресей, Беларусь, Қытай, Өзбекстан, Жаңа Зеландия, Армения, Грузия және т.б. елдерден қонақтар қатысады. Бал фестивалі және бұғы шаруашылығы конгресі аясында қаланың орталық алаңында сатылым жәрмеңкесі мен концерттік бағдарлама ұйымдастырылады, сондай-ақ дөңгелек үстел, «Жасыл экономика - Қазақстан дамуының жаңа бағыты» атты форум, облытық Этнопаркте бал шаруашылығы мен бұғышылардың бірлескен пленарлық мәжілісі өтеді. Туыстас қалалар фестивалі (Өскемен, Барнауыл, РФ - Чугучак, ҚХР - Бурса, Түркия) барысында шара қатысушыларының ШҚО және облыс орталығы басшылығымен кездесуі өтпек және Республика алаңында концерттік бағдарлама ұйымдастырылды. Салтанатты күн жастардың би кешімен, мерекелік отшашумен аяқталады, деп хабарлады облыс әкімінің ақпараттық орталығынан.

Соңғы жаңалықтар