Өскеменде мас ер адам екі мектеп пен көлік вокзалын «миналады»

АСТАНА. ҚазАқпарат - 1 қаңтар күні Өскеменде 35 жастағы мас ер адам полицияға телефон соғып, № 34 мектепке бомба салынғаны туралы хабарлаған. Алайда бұны аз санағандай, 15 минуттан кейін телефонмен «жедел жәрдем» қызметіне хабарласып, № 36 мектеп пен Өскемен көлік вокзалына салынған жарылғыш құралдар туралы айтып берді, деп хабарлайды YK-news.kz.

Бірінші хабарлама полицияға кешкі сағат 7-де келіп түскен. ШҚО ІІД-нің баспасөз қызметінің хабарлауынша, мобильдік телефонмен хабарласқан белгісіз біреу № 34 мектепке бомба салынғанын айтты.

«Сол кезде білім мекемесінде тек күзетші ғана болған, ол дереу қауіпсіз жерге шығарылды. Көп ұзамай «жедел жәрдем» қызметкерлері оларға белгісіз ер адамнан № 34 мектеп пен көлік вокзалының ғимаратында да жарылғыш зат салынғаны туралы хабарлама келгенін айтты», - деп хабарлады ведомствоның баспасөз қызметінен.

Полицияда мекмелердің ешқайсынан бомбалар анықталмағанын түсіндірді. Ғимараттарды «миналаған» ер адам сол кеште ұсталды.

«Әзілдегісі келген ер адам - сол күні Өскеменде болған Ұлан ауданының 35 жастағы тұрғыны болып шықты. Ер адам мас болып, көңіл көтергісі келген. 273-бап («Лаңкестік актісі туралы көрінеу жалған хабарлама») бойынша қылмыстық іс қозғалды. Ұсталған ер адам алты жылға дейін бас бостандығынан айырылуы мүмкін.

Полицияда ер адамның қалалық мекемелерді «миналап» тастаған себебін нақтыламай отыр.