Өскеменде массаждың атын жамылып интимдік қызмет көрсеткендер анықталды
Өскемен қаласында массаждың атын жамылып интимдік қызмет көрсеткендер жауапқа тартылды, деп хабарлайды Kazinform.
Тәртіп сақшылары «дене массажын жасаймыз» деген желеумен интим-қызметтер көрсету үшін үй-жайлар ұсынған 3 адамды анықтады. Осындай пәтерлердің бірінде 20 мен 38 жас аралығындағы бес қыз болған.
«Аталған үш факті бойынша ҚР ӘҚБтК-нің 450-бабына (Жезөкшелікпен немесе жеңгетайлықпен айналысу үшін көрінеу үй-жайлар беру) сәйкес әкімшілік хаттамалар толтырылды. Бұл баптың санкциясында жеке және лауазымды адамдарға жүз айлық есептік көрсеткіш мөлшерінде (345 000 теңге) айыппұл салынады», - деп хабарлады ШҚО Полиция департаментінен.
Жеңіл жүрісті әйелдер де назардан тыс қалмай, ҚР ӘҚБтК-нің 449-бабымен (Қоғамдық орындарда азғындау) жауапқа тартылды. Олар бес АЕК көлемінде (17 250 теңге) айыппұл төлеуге міндеттелді.
Жыл басынан бері осы бап бойынша полицейлер 177 адамды жауапқа тартқан.
View this post on Instagram
