Өскеменде өрт ғимараттың 2450 шаршы метр аумағын шарпыды

АСТАНА. KAZINFORM – Өрт сөндірушілер Лихарев көшесіндегі бір қабатты ғимаратты алып кеткен өртті сөндірді, деп хабарлайды ҚР Төтенше жағдайлар министрлігінің баспасөз қызметі.

Төтенше жағдайлар департаментінің бөлімшелері жоғары деңгейлі өрт шақыртуы бойынша шықты. Қою түтін, ауа температурасының жоғарылығы жұмысты қиындатып, өртті сөндіруге кедергі болды.

- Оқиға болған жерде өрт сөндіру штабы құрылды. Су үздіксіз беріліп тұрды. Өрт сөндіру ісін ШҚО Төтенше жағдайлар департаментінің жетекшісі Рашид Блялов басқарды, - деп хабарлады ведомстводан.

Осыған дейін Алматыда өрт сөндірушілердің оқу-жаттығуы өткені туралы жазған едік.