16:00, 15 Ақпан 2013 | GMT +5
Өскеменде волейболдан ерлер командалары арасындағы Ұлттық лига чемпионатының 3-ші тур ойындары аяқталуда
АЛМАТЫ. 15 ақпан. ҚазАқпарат - Бүгін Өскеменде волейболдан Ұлттық лигадағы ерлер командалары арасында 8 ақпан күні басталған ХХI ҚР Чемпионатының 3-ші туры аяқталады.

Онда «Конденсат» (Орал) пен «ТНК Қазхром» (Хромтау), «Павлодар» мен «Алматы», «Есіл» (Қызылжар) мен «Шығыс-ҚорғасынҚұрылыс» (Өскемен) өздерінің соңғы кездесулерін өткізуде. Өз қарсыласына оралдықтар бұған дейін 2 рет 2:3 боп ұтылса, павлодарлықар бір рет ұтып (3:2), бір рет дәл осындай есеппен (2:3) жеңілген болатын. Қызылжарлықтар болса, 3:0, 3:1 есебімен ұтып, екі ойында өскемендіктерді ұпайсыз қалдырған еді. Ал жарысты өзгелерден бұрын аяқтаған «атыраулықтар» қазір турнир кестесінде 28 ұпаймен 5-ші орында тұр. Көш басында 39 ұпаймен «Алматы» келе жатыр. Одан кейінгі орындарды «ТНК Қазхром» (32 ұпай), «Павлодар» (30 ұпай) мен «Консенсат» (28 ұпай) өзара бөлісуде. «Өскемен» (13 ұпай) мен «Есіл» (10 ұпай) болса турнир кестесін түйіндеуде.