Өскеменде жол апатына ұшыраған жәдел жәрдем көлігі аударылып қалды

ӨСКЕМЕН. ҚазАқпарат – Өскемен қаласында жол апатына ұшыраған жәдел жәрдем көлігі аударылып қалды, деп хабарлайды ҚазАқпарат тілшісі.

Қалалық Полиция басқармасы баспасөз қызметінің мәліметіне сүйенсек, жол-көлік оқиғасы 30 маусым күні Жібек маталар комбинаты ықшамауданында болды. Жедел жәрдем мен Toyota Ipsum көліктері соқтығысқан.

«Арнайы жарық шамдарын қосып келе жатқан жедел жәрдем көлігі Өтепов көшесінен Сәтпаев даңғылына қарай келе жатып, реттелген жол қиылысында қызыл жанып тұрған бағдаршамнан өтіп кетті. Ал сол кезде Toyota Ipsum автокөлігі бағдаршамның қызыл түсіне өткен. Осылайша, екі көлік соқтығысып қалды», - делінген хабарламада.

Жол апатының салдарынан жедел жәрдем көлігі аударылып қалды. Қазіргі уақытта оқиға орнында полиция қызметкерлері жұмыс істеп жатыр.