Осы аптада «Astana International Auto Salon - 2013» тұңғыш Халықаралық автокөлік көрмесі өтеді

АСТАНА. 7 қазан. ҚазАқпарат - 10-12 қазанда алғаш рет Қазақстан мен Орталық Азияда «ExpoGroup» компаниясы ұйымдастырып отырған «Astana International Auto Salon - 2013» тұңғыш Халықаралық автокөлік көрмесі Астанада өтеді.

«Оның басты мақсаты - тиімді әрі заманауи жұмыс орындары мен жоғары қосымша құнды өндірістерді құру арқылы отандық автоөнеркәсіпті дамытуға инвестициялар мен жаңа технологияларды тарту», - деді бүгінгі брифингте ҚР Президенті жанындағы Орталық коммуникациялар қызметінің ресми өкілі Алтай Әбибуллаев.

Көрменің ашылуына ҚР Премьер-министрінің орынбасары - Индустрия және жаңа технологиялар министрі Әсет Исекешев, мүдделі органдар, іскер топтар өкілдері қатысады.