Осының бәрі Қазақстанның арқасында болып жатыр - Елена Рыбакина

НҰР-СҰЛТАН. ҚазАқпарат – Қазақстанның теннисші, Уимблдон -2022 чемпионы Елена Рыбакина Қазақстан атынан өнер көрсетуге қатысты пікірін білдірді, деп хабарлайды ҚазАқпарат тілшісі.
None
None

«Осыдан 5 жыл бұрын менің алдымда одан әрі не істеймін деген сауал тұрды. Жасым 17-18-де еді. Менде екі таңдау болды. Теннис ойнауды жалғастырып кәсіби деңгейге көшу. Екінші таңдау оқуға түсу. Мені АҚШ-қа оқуға шақырды. Көптеген юниорлар екінші жолды таңдап жатады. Мен алғашқы турнирімді сәтті ойнадым», - деді Елена Рыбакина елордада өткен баспасөз мәслихатында.

Айтуынша, сол сәтте Қазақстанның атынан өнер көрсету туралы ұсыныс түскен.

«Меніңше, өте сәтті ұсыныс болды және уақытылы жасалды. Бір бірімізді дәл уақытында тапқан секілдіміз. Менің спорттағы саяхатым Қазақстанмен жалғасып жатқанына қуаныштымын. Осының бәрі Қазақстанның арқасында болып жатыр. Қолдауларыңыз үшін көп рақмет. Қолдауларыңызды сезіндім», - дейді ол.

Бұған дейін Уимблдон – 2022 турнирінің жеңімпазы жарыстан алған сыйақының бір бөлігін жануарларды қорғау мақсатында бағыттайтынын мәлім еткен еді.



Соңғы жаңалықтар