«Отан қорғаушы» әскери-патриоттық лагерінде 100 бала әскери барлау қызметінің қыр-сырын меңгерді

АСТАНА. ҚазАқпарат - Қазақстанда кезекті «Отан қорғаушы» әскери-патриоттық лагері ашылды. Ол Алматы облысындағы ҚР Қорғаныс министрлігі құрлық әскері Әскери институты жанындағы «Қазақстан әскери-патриоттық клубы одағының» ұйымдастыруымен, ҚР Білім және ғылым министрлігінің Жастар ісі комитетінің қолдауымен және «Қазақстанның әскери-патриоттық клубы федерациясы» көмегімен жүзеге асты.
None
None

Ұйымдастырушылар айтуынша, шараның мақсаты - жасөспірімдерді азаматтық-патриоттық тарихи дәстүрді сақтауға, мемлекет қауіпсіздігін күшейтуге өзіндік үлес қоса білуге баулу және салауатты өмір салтын насихаттау, оларды Қазақстанның Қарулы күштері қызметіне дайындау.

Лагерьге 100 ер бала қатысты. Олардың ішінде мектеп оқушылары, әскери-патриоттық, әскери-спорттық клуб, әскери-спорттық клуб федерациясы Семей бөлімшесінің мүшелері мен белсенділері болды. «Отан қорғаушы» әскери-патриоттық лагерінің жұмыс бағдарламасы бойынша болашақ Отан қорғаушылар бір апта ішінде ҚР Қорғаныс министрлігі Құрлық әскері Әскери институтының полигонында қару-жарақ және әскери техникалармен танысып, қоян-қолтық ұрыс пен атыс, әскери барлау қызметтерінің қыр-сырларын меңгерді, әскери-патриоттық «Зарница» ойынына қатысты, деп хабарланған ШҚО әкімдігінің ресми сайтында.

Соңғы жаңалықтар