Отандық пенитенциарлық жүйенің тарихында тұңғыш рет сала қызметкері шетелде тағлымдамадан өтеді

АСТАНА. Қыркүйектің 3-і. ҚазАқпарат /Ғалымжан Хасенов/ - Отандық пенитенциарлық жүйенің тарихында тұңғыш рет сала қызметкері шетелде тағлымдамадан өтеді, деп хабарлады Әділет министрлігінің Қылмыстық-атқару жүйесі комитетінен.

Бұл жайында Шетелдерде кадрларды дайындау жөніндегі республикалық комиссияның мәжілісінен кейін мәлім болды. Ведомствоның баспасөз қызметінен қуаттағандай, Қылмыстық-атқару жүйесі комитеті академиясы бастығының орынбасары, 33 жастағы заң ғылымдарының кандидаты Шәкір Шаяхметовке «Болашақ» халықаралық стипендиясы тағайындалды. «Енді стипендиат Ұлыбританияның Кембридж университетінде «Сот қызметі, құқық қорғау органдары, құқық қорғау қызметін ұйымдастыру, адвокатура» мамандығы бойынша ғылыми тағлымдамадан өтеді», деп хабарлады комитеттің баспасөз қызметінен.