Өткен апта ішінде елімізде 5175 қылмыс ашылды
АСТАНА. 23 қаңтар. ҚазАқпарат Өткен апта ішінде 5175 қылмыс, оның ішінде «ізі суымай» 2471-і ашылды. Бұл туралы бүгін брифингте ҚР ІІМ ресми өкілі Нұрділдә Ораз мәлімдеді.
Оның айтуынша, осы уақыт аралығында бұрын жасалған 704 қылмыс, оның ішінде өткен жылдардағы 382 қылмыс ашылған.
Сондай-ақ,113 қылмыскер іздестіріліп табылды, 9 қару тәркіленді. 68 есірткі қылмысы, оның ішінде есірткі сатудың 24 фактісі анықталды. 112 килограмнан астам есірткі құралы, оның ішінде 630 грамм героин алынды.
