Өткен аптада республика аумағында жол-көлік оқиғалары салдарынан 46 адам қаза болды
АСТАНА. 29 шілде. ҚазАқпарат - Өткен аптада республика аумағында жол полициясының қызметкерлері 37,5 мың жол қозғалысы ережелерін бұзу фактілерін анықтады, деп хабарлайды Қазақстан Республикасы ІІМ Жол полициясы комитеті.
Оның ішінде көлікті мас және есірткі қабылдаған күйінде басқарудың 897 фактісін, 7,8 мыңнан астам - жылдамдық режимін бұзуды, 669 - жолдың қарсы бағытына шығуды, рульде ұялы телефон пайдаланудың - 2,3 мың фактісін, 645 жаяу жүргіншілер өтпесінен өту бұзушылықтарын анықтады.
Сонымен қатар, 2,6 мыңнан астам жаяу жүргінші ЖҚЕ бұзған.
22-29 шілде аралығында 338 жол-көлік оқиғасы тіркелді, онда 46 адам қаза болды, 415 адам әр түрлі дәрежеде дене жарақатын алды.
