Өткен тәулікте 9 қылмыс тіркелді - ҚР ІІМ Көліктегі ІІД

АСТАНА. 20 желтоқсан. ҚазАқпарат - Өткен тәулік ішінде КІІД қызмет көрсету аумағында 9 қылмыс тіркелді, оның ішінде криминалдық полиция желісі бойынша - 9 қылмыс, ашылғаны - 7,

деп хабарлады департаменттің баспасөз қызметі.

Мәселен, 19 желтоқсан күні сағат 20-00 шамасында Ақтау стансасының ЖІІБ-не Астана қаласында тұратын 1981 жылы туған «Эйр» АҚ-ның жолсерігі шағымданды. Оның атап өтуінше, «Атырау-Ақтау» бағытымен ұшатын №181 рейс бортында Ақтау қаласында тұратын 1978 жылы туған, ішімдік ішкен азамат балағаттап, жағынан тартып жіберген.

Ал 18 желтоқсан күні сағат 21-30 шамасында Петропавл стансасының теміржол вокзалындағы полиция бөлмесіне СҚО-да тұратын 1984 жылы туған азамат жеткізілді. Ол ішімдік ішкен күйі, бұзақылық әрекетпен Петропавл стансасының теміржол вокзалында жарылғыш заттың орнатылғаны туралы хабарлаған. Тексеріс барысында мәліметтің жалған екені анықталды.