Өткен тәулікте республика тоғандарында төрт адам суға кетті

АСТАНА. Шілденің 8-і. ҚазАқпарат -  Өткен тәулікте   республика тоғандарында   төрт адам  суға  кетті, 

деп хабарлайды ҚазАқпарат   Төтенше  жағдайлар  министрлігінің баспасөз   қызметіне  сілтеме  жасап.

Кеше сағат  20.00-да   Ақтөбе облысының Жарық  ауылында  Елек   өзеніне     шомылу кезінде екі  адам суға батып  кетті.   29  жастағы  әйел  мен  10 жасар қыз баланың  денесін   судан       құтқарушылар алып шықты.

 Сондай-ақ  кеше   сағат  14.10-да  Қарағанды  облысының Пришахтинск    кентінде  өнеркәсіптік сарқын  су   төгілетін  тоғанға   14 жасар жасөспірім батып кетті.  Оның  денесін  құтқарушылар алып   шықты.

 Сол  күні    Оңтүстік Қазақстанның   Арыс  қаласында  сағат 19.30-да  жергілікті  тоғандардың біріне  32  жастағы ер азамат суға  батып  кетті.  Оның денесі әзір табылған  жоқ.