Өткен жылы «Нұр Отан» ХДП қоғамдық қабылдауларына келген азаматтардың саны 1,5 есеге артты

АСТАНА. 21 қаңтар. ҚазАқпарат /Гүлмира Әлиакпарова/ - 2010 жылы Астана қаласындағы «Нұр Отан» партиясының қоғамдық қабылдауларына келген азаматтардың саны 1,5 есеге артты.

Бұл туралы бүгін есеп беру-сайлау конференциясында партияның елордалық филиалы төрағасының бірінші орынбасары Әмірхан Рақымжанов мәлім етті.

«Есептік кезеңде қоғамдық қабылдаулар 15 мың 410 адамды қабылдады, 12470 - заңдық кеңестер көрсетіліп, 2933 - хат қаралды. 2010 жылы қоғамдық қабылдауларға келушілердің саны 2009 жылмен салыстырғанда 1,5 есеге артты», - деді Ә.Рақымжанов.

Оның пікірінше, қала аумағындағы кенттер бойынша жасалатын жылжымалы қоғамдық қабылдаулар өз нәтижесін беріп келеді.