Өзбекстан мен Түркия арасындағы теміржол дәлізі қалай дамиды
Ыстанбұлда «Өзбекстан — Түрікменстан — Иран — Түркия» мультимодальды көлік дәлізіне қатысушы елдердің темір жол әкімшіліктерінің бірінші отырысы өтіп, онда осы көлік бағытын дамытуға қатысты маңызды мәселелер талқыланды. Kazinform бұл туралы Өзбекстан темір жолдарына сілтеме жасап хабарлайды.
Отырыстың негізгі тақырыбы — теміржолға бәсекеге қабілетті тариф енгізу және бағыт бойынша қозғалыс көлемін арттыру болды.
Тараптар осы бағыт бойынша қолжетімді және бәсекеге қабілетті баға белгілеу жүк тасымалдау көлемін арттыруға ықпал етеді деген қорытындыға келді.
Кездесу барысында қатысушы елдердің темір жол әкімшіліктері арасында тиісті хаттамаға қол қойылды.
Бұл құжат көлік дәлізін дамытудағы маңызды қадам болды, өйткені ол бүкіл тараптардың ынтымақтастық туралы келісімін және осы жобаны сәтті жүзеге асыру үшін бірлескен күш-жігерін біріктіреді.
Бұл мультимодальды көлік бағытын дамыту Өзбекстан, Түрікменстан, Иран және Түркия арасындағы экономикалық байланысты нығайтуға және сауда әлеуетін кеңейтуге ықпал етеді.
Сонымен қатар аймақтағы көліктің қолжетімділігі мен тиімділігін арттырып, экономикалық дамуға және елдер арасындағы ынтымақтастықты нығайтуға септігін тигізеді.
