Өзбекстан президенті Астанаға келді

АСТАНА. KAZINFORM – Өзбекстан Республикасының Президенті Шавкат Мирзиёев Қазақстанға жұмыс сапарымен келді. Бұл туралы УзА мәлім етті.

Астанадағы халықаралық әуежайда Шавкат Мирзиеевті ҚР Премьер-министрі Олжас Бектенов және басқа да ресми тұлғалар күтіп алды.

Бүгін Өзбекстан басшысы «Орталық Азия – Германия» екінші саммитінің іс-шараларына қатысады.

Бұған дейін Қырғыз Республикасының Президенті Садыр Жапаров бүгін, 17 қыркүйекте Орталық Азия мемлекеттері басшылары және Германия Федералдық канцлерінің екінші кездесуіне қатысу үшін Астанаға жұмыс сапарымен келгенін жазған едік.