Өзбекстан Шардараға су ағынын екі есе арттырады

АСТАНА. ҚазАқпарат - Қазақстанның Экология және табиғи ресурстар министрі Зүлфия Сүлейменованың Өзбекстанға іссапарының нәтижесі бойынша өзбек тарапымен Шардара су қоймасына су ағынын 200 м3/сек дейін ұлғайту туралы уағдаластыққа қол жетті, деп хабарлайды ҚазАқпарат.

28 шілдедегі жағдай бойынша сағат 7:30-дан бастап (Ташкент уақытымен) «Достық» бас құрылысынан Сырдария өзенінің тұсына су ағызу көлемі - 20 м3/сек болады.

Ағын «Ақжар» гидропостына («Бахри Точик» су қоймасына ағын) ағынның ұлғаюы және тиісінше су қоймасынан ағынның ұлғаюы есебінен жүзеге асады.

Сонымен қатар, өзбек тарапы «Достық» бас құрылысынан Сырдария өзенінің тұсына ағызылатын су шығынын 50 м3/сек дейін жеткізуге ниетті.

Сонымен қатар, сол күні Чарвак су қоймасынан (Газалкент ГЭС) өткен күнмен салыстырғанда (27 шілде) су жіберу 290 м3/сек-тен 310 м3/сек дейін ұлғайтылды.

Алайда бұл су көлемі Сырдария өзенінің бөгетінде су ағызуды жүзеге асыру үшін жеткіліксіз және Чирчик өзенінің бассейнінде суару қажеттілігі үшін су шаруашылығы арналары арқылы жіберіледі.

Айта кетейік, 27 шілдедегі жағдай бойынша Чарвак су қоймасындағы су көлемі - 1936 млн текше метр (ең жоғарғы көлемі - 2006 млн текше метр).