Өзбекстан ТЖМ Қазақстандағы автобус өртінде 52 азаматының қаза тапқанын растады
АСТАНА. ҚазАқпарат - Өзбекстан ТЖМ Ақтөбе облысында өртенген автобуста өзбекстандық 52 азаматтың қаза тапқанын мәлім етті, деп хабарлайды «ҚазАқпарат» ХАА тілшісі.
«Өрт кезінде 52 адам қаза тауып, 5 адам зардап шеккен. Салонда барлығы 57 адам болған, бастапқы дерек бойынша оның 55-і Өзбекстан және екеуі ҚР азаматы», - делінген ТЖМ хабарламасында.
Сондай-ақ, Өзбекстанның Республикасының Қазақстандағы консулы Шухрат Тешабаев Алматыдан оқиға орнына аттанды.
Еске салайық, төтенше жағдай Ақтөбедег 320 шақырым қашықтықта Қалыбай кентінен 10 шақырым жерде «Самара-Шымкент» тасжолының бойында болған.
Жедел штабта белгілі болғандай, автобус Өзбекстаннан Ресейге күнкөріс қамымен бара жатқан. Онда Өзбекстанның 54 азаматы мен 3 қазақстандық болған. Автобуста шыққан өрт салдарынан 52 өзбекстандық қаза тапты. Тірі қалғандардың арасында 3 қазақстандық және 2 өзбекстандық бар. Оларды жеңіл деңгейде күйік шалған. Оқиғаның мән-жайы тергеу амалдары барысында анықталмақ.
