23:44, 14 Желтоқсан 2024 | GMT +5
Өзбекстанда $2,6 млн криптоактивіне заңсыз иелік еткен жасөспірім ұсталды
ТАШКЕНТ. KAZINFORM – Өзбекстанның Бұхара облысында заңсыз криптоактивтер айналымы үшін 17 жастағы азамат ұсталды, деп хабарлайды Kazinform агенттігінің меншікті тілшісі.
«Milliy TV» телеарнасының мәліметінше, заң бұзушылықты облыстық ішкі істер басқармасы киберқауіпсіздік бөлімінің қызметкерлері анықтаған. Ұсталған жасөспірім Жондор ауданының «Зарафшан» махаллясында тұрған.
Құқық қорғау органдарының мәліметінше, ол тиісті лицензиясыз 34 млрд сумға (шамамен $2,6 млн) бағаланған криптоактивтерді алу, айналымға қою және айырбастау ісімен айналысқан.
Аталған факті бойынша ӨР Қылмыстық кодексінің 278-8-бабының 3-бөлігі бойынша (криптоактивтер айналымы заңнамасын бұзу) қылмыстық іс қозғалып, алдын ала тергеу жүріп жатыр.
