Өзбекстанда көне алтын теңгені 100 мың долларға сатпақ болғандар ұсталды

«ПЕТРУ БОГДАНОВУ 1899» деген жазуы бар бұл алтын теңге ХІХ ғасырдың соңындағы мәдени байлыққа жатады, деп хабарлайды Kazinform Өзбекстан Бас прокуратурасы жанындағы Экономикалық қылмысқа қарсы күрес департаментінің баспасөз қызметіне сілтеме жасап. 

 

Экономикалық қылмысқа қарсы күрес басқармасы Сұрхандария облысында азаматтар Ж.А. және А.Ж. азамат А.Е.-ге ХІХ ғасырдың соңындағы мәдени байлыққа жататын, салмағы 61,69 грамм болатын «ПЕТРУ БОГДАНОВУ 1899» деген жазуы бар көне алтын теңгені 100 000 АҚШ долларына сатып жатқан кезде заттай айғақтармен ұстады.

Осы жағдайға байланысты Өзбекстан Қылмыстық кодексінің 177-бабы (валюта құндылықтарын заңсыз иемдену немесе өткізу) бойынша қылмыстық іс қозғалып, тергеу амалдары жүргізілуде.