Өзбекстанда жалақы өсімі Орталық Азия мен Кавказ елдерінен артта қалды

ТАШКЕНТ. KAZINFORM — Өзбекстанда соңғы тоқсандардағы нақты жалақы өсімі аймақтағы көрші елдермен салыстырғанда төмен болды, деп жазылған Орталық банктің есебінде.

Атап айтқанда, биылғы жылдың қаңтар-наурыз айларында Орталық Азия елдерінде нақты жалақының орташа өсімі 9,8 пайызды, ал кейбір Кавказ елдерінде 9,1 пайызды құраса, Өзбекстанда бұл көрсеткіш небәрі 7,2 пайызды құраған.

— Егер салыстырылған елдерден артта қалу жақын арада сақталатын болса, бұл Өзбекстанның еңбек нарығына қатысушылардың сатып алу қабілетінің төмендеуіне және отандық тауарлар мен қызметтерге сұраныстың әлсіреуіне әкеледі, - деп жазылған банк есебінде.

Ең төменгі жалақы

2025 жылдың бірінші тоқсанында Өзбекстандағы ең төменгі жалақы 91 долларды құрады.

Салыстыру үшін:

* Беларусь – $243;

* Әзербайжан – $235;

* Моңғолия – $222.

Осылайша Өзбекстан ең төменгі жалақы көрсеткіші бар елдердің қатарынан орын алды.

Ең төменгі жалақының ЖІӨ-ге қатынасы

Өзбекстанда жан басына шаққандағы ЖІӨ үлесімен есептелген ең төменгі жылдық жалақы 35 пайызды құрады. Бұл көрсеткіш те аймақтағы басқа елдермен салыстырғанда ең төмен көрсеткіштердің бірі болып табылады.

Салыстыру үшін:

* Қазақстан – 14%;

* Қырғызстан – 14%;

* Грузия – 12%.

Аймақтың басқа елдеріндегі көрсеткіштер бір-біріне жақын және салыстырмалы түрде жоғары.

Еске сала кетейік, Starlink Өзбекстанда 2026 жылы іске қосылуы мүмкін.