Өзбекстанға 10 айда 6,5 млн турист барған

ТАШКЕНТ. KAZINFORM — 2024 жылдың қаңтар-қазан айлары аралығында Өзбекстанға шамамен 6,5 миллион шетелдік турист саяхаттаған. Бұл туралы жергілікті БАҚ Өзбекстан Республикасының Статистика агенттігіне сілтеме жасап хабарлады, деп жазады Синьхуа.

Өзбекстан туризм
Фото: uza.uz

Туристер саны өткен жылдың сәйкес кезеңімен салыстырғанда 951,3 мың адамға немесе 17,2 пайызға артқан. 

Мәлім болғандай, ең көп турист Тәжікстаннан барған — 1,878 млн, одан кейін Қырғызстан — 1,870 млн және Қазақстан — 1,2 млн. Ал Қытайдан 57,7 мың турист саяхаттаған, осылайша бұл ел 7-орынға тұрақтады.  

Бұған дейін хабарланғандай, ЕҚҚДБ Өзбекстанға «жасыл» экономиканы дамыту үшін 200 миллион доллар бөлуі мүмкін.

Соңғы жаңалықтар