Өзбекстанға келген туристер саны екі есеге өсті

ТАШКЕНТ. ӨзА – ҚазАқпарат - Өзбекстан президенті Шавкат Мирзияев туризм бойынша жиын өткізді. Бұл туралы ҚазАқпарат ӨзА сілтеме жасап хабарлайды.

Әлемде пандемия кезінде енгізілген шектеулер бірте-бірте азайып келе жатқандықтан, туризм индустриясы қалпына келе бастады.

Биылғы жылдың бірінші тоқсанында Өзбекстанға 610 мың шетелдік турист келді немесе өткен жылдың сәйкес кезеңімен салыстырғанда екі еседен астам көп. Алдағы айларда туристер көбірек келеді деп күтілуде.