Өзбектің Олимпиада чемпиондары қазақ боксшыларына қарсы шаршы алаңға шықпайтын болды

АСТАНА. KAZINFORM — Бүгін Болгария астанасы Софияда бокстан дәстүрлі «Странджа кубогінің» алауы тұтанды. Жеребе қорытындысына сәйкес бүгін қазақстандық әлем және Азия чемпионы Төрехан Сабырхан (67 келі) мен өзбекстандық Олимпиада чемпионы Асадхужа Муйдинхужаев жұдырықтасауы керек еді. Өкінішке қарай аталған жекпе-жек өтпей қалды.

Сондай-ақ 60 келіде өнер көрсететін Серік Теміржановтың алғашқы айналымдағы қарсыласы тағы бір Өзбекстанның Олимпиада чемпионы Абдумалик Халоков арасындағы айқас өтпейтіні белгілі болды.

Бұл туралы boxinguzbekistan_official қосымшасында хабарлағанды.

- Бірінші күнгі жекпе-жектер тізімінде Олимпиада чемпионы Абдумәлік Халоқовтың кездесуі бар еді. Алайда оның кәсіби жекпе-жегінің уақыты ертерек өзгертілгендіктен, Испанияға ұшып кететін болды. Демек ол бүгін «Strandja» турнирінде рингке шыға алмайды. Тағы бір чемпионымыз Асадхожа Муйдинхожаев те бүгін Болгарияда жекпе-жек өткізуі керек еді. Бірақ ол турнир алдында алған жарақатынан толық айықпағандықтан, кездесуге қатыса алмайды, - деінген хабарламада.

Естеріңізге сала кетейік, осыған дейін қазақстандық боксшылардың қарсыластары анықталғанын жазған болатынбыз.