Пәкістан билігі үнді киноларын көрсетуге салынған тыйымды алып тастады

АСТАНА. ҚазАқпарат - Пәкістан билігі елдің кинотеатрларында тиым салынған үнді киносын қайта көрсететін болады. Бұл туралы сәрсенбі күні The Guardian хабарлады.

«Федералдық үкімет Пәкістан кинотеатрларында барлық халықаралық фильмдерді көрсетіп, ашық саясатты жүзеге асыратындығы үшін қуанышты», - деп айтылады Пәкістанның ақпарат министрлігінің мәлімдемесінде.

Бұрын осындай қадамды мемлекеттің премьер-министрі Наваз Шариф қолдаған болатын. Тиымды алып тастау туралы шешім күшіне енді.

Үнді киносын көрсетуге 2016 жылдың қыркүйек айында тыйым салынған. Бұл Үндістан мен Пәкістан шекарасын белгілеуге және Кашмир аумағын бөлісуге қатысты шиеленіс салдарынан туындады.