Пәкістан тарихында әйел адам тұңғыш рет қазы болып тағайындалды

АСТАНА. 1 қаңтар. ҚазАқпарат - Құрылғанына 33 жыл өткен Пәкістан ұлттық шариғат сотының тарихында тұңғыш рет ақ жаулықтыдан Ашраф Жеан есімді 56 жастағы әйел адам қазы болып тағайындалды, деп жазады muslim.kz.

«Әйел адамның шариғат сотына қазы болып тағайындалуына орай кеше өткен ант қабылдау рәсімі, шынымен, тарихи оқиға болды»,- деді Пәкістанның федералды шариғат сотының бас қазысы Аға Рафик Ахмет. «Конституцияда әйел адамның шариғат сотының қазысы болып қызмет істеуіне тыйым салынбаған. Бұған қоса, ерлер мен әйелдердің арасында қандай да бір теңсіздік болған емес»,- деп мәлімдеді ол сөзінің соңында.