Пәкістан мен Ауғанстанда нөсер жауын мен найзағай салдарынан жүздеген адам қаза тапты
АСТАНА. KAZINFORM – Билік төтенше жағдайлар қызметтерін ауа райының қолайсыздығына байланысты жоғары дайындықта болуға шақырды. Бұл туралы Aljazeera агенттігі жазды.
Сейсенбі күні Пәкістанда найзағай мен дауыл салдарынан кем дегенде 50 адам қаза тапқан. Шенеуніктер төтенше жағдайлар қызметтерін жоғары дайындықта болуға шақырды. Ауғанстан билігі де осы күні 50 адам қайтыс болғанын хабарлаған.
Пәкістанда қаза болғандардың көбі солтүстік-батыс Хайбер-Пахтунхва провинциясында тіркелді. Мұнда нөсер жаңбыр мен су тасқыны үйлерге зақым келтіріп, ағаштарды тамырымен жұлып әкеткен.
Исламабадта да жаңбыр жауып, елдің оңтүстік-батысындағы Белуджистан провинциясында жеті адам қаза тапты. Елдің солтүстік-батысындағы Пешавар қаласы мен Белуджистан астанасы Кветтада көшелер су астында қалды.
Премьер-министр Шехбаз Шариф теледидар арқылы сөйлеген сөзінде билікке гуманитарлық көмек көрсетуді тапсырғанын айтты. Билік елдің оңтүстік-батысында төтенше жағдай жариялады.
Төтенше жағдайларды басқарудың ұлттық басқармасы (NDMA) төтенше жағдайлар қызметінен сақ болуды сұрады, өйткені ауа райы күрт нашарлайды.
