Палестинаны мойындау: Батыс елдері мен Израиль арасындағы қайшылық тереңдей түсті

АСТАНА. KAZINFORM — Франция, Ұлыбритания және Канада Палестинаны тәуелсіз мемлекет ретінде мойындауға ниетті. Бұл қадам Израиль мен АҚШ арасындағы дипломатиялық қайшылықты күшейтіп отыр.

Ресми мәлімдемелер БҰҰ Бас Ассамблеясының қыркүйектегі сессиясында жасалады деп күтілуде. Франция президенті Эммануэль Макрон Палестинаға гуманитарлық көмек пен ХАМАС-ты қарусыздандыруды ұсынса, Ұлыбритания мен Канада да өз талаптарын білдірді.

Палестинаны 145-тен астам ел мойындаған. Алайда Израиль мен АҚШ бұған қарсы. Израиль премьер-министрі Биньямин Нетаньяху бұл қадамды «терроризмді марапаттау» деп атады.

2 тамызда АҚШ арнайы өкілі Стив Уиткофф Газаға сапар жасап, GHF орталығын аралады. Израиль күштерінің сапар кезінде оқ атқаны хабарланды. ХАМАС бұл сапарды «көзбояушылық» деп бағалады.

Егер Франция мен Ұлыбритания өз жоспарларын іске асырса, БҰҰ Қауіпсіздік Кеңесінің бес тұрақты мүшесінің төртеуі Палестинаны мойындаған елдер қатарына қосылады. АҚШ жалғыз қалып отыр.

Сауалнамаға сәйкес, британдықтардың 45 пайызы Палестинаны мойындауды қолдайды. Сарапшылар бұл қадамды маңызды символдық акт деп бағалап отыр.

Айта кетейік, ХАМАС Палестина мемлекеті құрылмайынша қару тапсырудан бас тартты.