15:53, 31 Тамыз 2024 | GMT +5
Пара таеквондошы Нышан Өмірәлі ширек финалға жолдама алды
ПАРИЖ. KAZINFORM – Париждегі Паралимпиада ойындарында сынға түсіп жатқан қазақстандық пара спортшы Нышан Өмірәлі ширек финалға шықты.

Пара таеквондошы К44 +80 кг салмақ дәрежесінде Ирак спортшысы Ахмед Джабар Шехамен жекпе-жек өткізіп, қарсыласын қапы қалдырды. Осылайша Нышан ширек финалға жолдама алды.
Бұған дейін Нұрлан Домбаевтың Паралимпия ойындарының ширек финалына шыққанын, сондай-ақ Гүлбахыт Қайыржанованың Паралимпиада ойындарын бесінші орынмен аяқтағанын жазған болатынбыз.
Айта кетейік, Паралимпиада ойындары 29 тамыз бен 9 қыркүйек аралығында Париж қаласында өтіп жатыр.
Бүгін волейболды отырып ойнаудан Қазақстан құрамасы Босния және Герцеговина командасымен кездеседі.