«Парасат» холдингі Мэриленд университетімен келісімге отырды

АСТАНА. Тамыздың 31-і. ҚазАқпарат - «Парасат» Ұлттық ғылыми-техникалық холдингі» акционерлік қоғамы мен АҚШ-тың Мэриленд университетінің жанындағы Мэриленд халықаралық инкубаторы өзара лицензиялық келісімге қол қойды.

Қол қою рәсіміне Мэриленд университетінің президенті Дэн Моут, университет жанындағы Технологиялық институттың директоры Герберт Рабин, Мэриленд штатының Бизнесті және экономиканы дамыту департаменті директорының орынбасары Роберт Уолкер, Қазақстанның АҚШ-тағы елшісі Ерлан Ыдырысов, «Парасат» Ұлттық ғылыми-техникалық холдингі» акционерлік қоғамының директоры Нұралы Бектұрғанов қатысты, деп хабарлады елшіліктің баспасөз қызметінен.

Қол қойылған келісімге сәйкес, «Парасат» Ұлттық ғылыми-техникалық холдингі» акционерлік қоғамының перспективалық нарықтарға енгізу сатысында тұрған жобаларын жылжыту және коммерциялау, ғылыми зерттеулер, инновациялық жобалар, өзара инвестициялар саласындағы бірлескен жобалар бойынша жұмыс істеу мәселелері қарастырылып отыр.