Парижде Эммануэль Макрон мен Владимир Зеленский кездесті

АСТАНА. KAZINFORM – Франция президенті Эммануэль Макрон мен Украина президенті Владимир Зеленский Парижде кездесті, деп хабарлайды BBC.

Франция мен Украина басшылары Елисей сарайының алдында жүздесіп, одан кейін келіссөздер жүргізді.

Келіссөздерден кейін Макрон Францияның Украинаға қосымша 2 млрд еуро көлемінде әскери көмек бөлетінін мәлімдеді.

Баспасөз конференциясында Макрон: «Ресей ешқандай алдын ала шартсыз 30 күндік атысты тоқтатуға келісуі тиіс», — деп мәлімдеді.

Содан соң ол Мәскеуді «соғысты жалғастыруға ұмтылып отыр» деп айыптады. Қазіргі сәтті соғыс қимылдарын тоқтату үшін шешуші кезең деп атады.

Украина мәселесіне арналған саммит 27 наурызда Парижде өтеді

Еске салайық, 27 наурызда Парижде бірнеше ел басшыларының қатысуымен Украина төңірегіндегі жағдайды талқылайтын саммит өтеді.