Парижде Украинаны қолдауға «ниеттілер коалициясының» саммиті басталды

АСТАНА. KAZINFORM — Бүгін Макрон «ниеттілер коалициясының» мүшелерін қабылдады, деп хабарлайды Kazinform тілшісі.

Бейсенбі күні таңертең Франция президенті Эмманюэль Макрон Украинаның 30-ға жуық одақтастарының басшыларын Ресеймен бітімгершілік келісімге қол жеткізілген жағдайда Киевке берілетін «қауіпсіздік кепілдігі туралы» ниеттілер коалициясының жаңа саммитіне шақырды.

Сәрсенбі күні таңертең Макрон Украинаға қосымша 2 миллиард еуро әскери көмек көрсететінін мәлімдеді.

Іс-шараға Еуропалық комиссияның төрағасы Урсула фон дер Ляйен де қатысты.

— Біз Украинаның және жалпы Еуропаның қауіпсіздігін нығайтуға күш салып жатырмыз. Украинаның өзін-өзі қорғау қабілетін нығайту бастапқы нүкте саналады. Бізге ортақ және ұзақ мерзімді жоспар керек, — деді Урсула фон дер Ляйен.

«Дайындық 2030» — Еуропаның әскери әлеуетін арттырудың негізгі жоспары, ол бастапқыда «Еуропаны қайта қаруландыру — 2030» деген атпен ұсынылған. Алайда, Еуропа Одағының бірқатар жетекшісі, соның ішінде Италия өкілдері де атауды өзгертуді жақтап шықты. Олардың пікірінше, бұл атау тым агрессивті.

Париж саммитіне Польша премьер-министрі Дональд Туск, НАТО бас хатшысы Марк Рютте, Италия премьер-министрі Джорджия Мелони және Түркия вице-президенті Джевдет Йылмаз да қатысады.

Осыған дейін Эммануэль Макрон мен Владимир Зеленский Парижде кездескенін жазған едік.