Пәтерін жөндеткен павлодарлық екі млн теңгесін таба алмай қалды

ПАВЛОДАР. ҚазАқпарат - Пәтерін жөндеткенен кейін екі млн теңгесін таба алмай қалған павлодарлық тұрғын полицияға арызданған, деп хабарлайды ҚазАқпарат Pavlodarnews.kz сайтына сілтеме жасап.

Оқиға орнына жедел тергеу тобы келген. Полиция қызметкерлері тексере келе, жоғалған ақша мен құжаттарды пәтерден тауып алды.
Вера Никитинаның айтуынша, пәтерінде жөндеу жұмыстары жүргізілген. Жөндеушілер кеткен соң, 2 млн теңгенің жоғалғанын анықтаған. Ақшасын таппаған соң полицияға ұрлық туралы арыз жазған.
- Мен әдеттегі жерден ақшаны таба алмаған соң қобалжыдым, өзім қайда қойғанымды ұмытып қалыппын. Басшылықтан көмек көрсеткен қызметкерлердің еңбегі мен біліктіліктерін атап өтуді сұраймын, оларға деген алғысым шексіз, - деді ол.