Павлодар электролиз зауытында Металлург күніне орай Құрмет тақтасы ашылды

ПАВЛОДАР. ҚазАқпарат - Металлург күні қарсаңында Павлодардағы Қазақстандық электролиз зауытында Құрмет тақтасы ашылды. Шараға ҚР Парламент Мәжілісінің депутаты Айгүл Нұркина қатысты, деп хабарлады «Нұр Отан» партиясының облыстық филиалының баспасөз қызметінен.

«Нұр Отан» партиясының атынан мәжілісмен жұмысшыларды құттықтап, «Қазақстан электролиз зауыты» АҚ президенті Алмаз Ибрагимовқа «Құрметті металлург» медалін табыс етті.

Құрмет тақтасын ашу салтанаты жұма күні «Қазақстан алюминийі» АҚ өтті.

Металлург күні Павлодардың барлық тұрғындары үшін мерекеге айналды. Күндіз орталық алаңда концерт ұйымдастырылды, ал кешке зауыт ардагерлерін құттықтау рәсімі ұйымдастырылды.

«Үркер» және «Градусы» топтары өткізген кешкі концерт, әсіресе жастар үшін үлкен сый болды.