Павлодар қаласының әлеуметтік нысандарына жылу беріле бастады
ПАВЛОДАР. KAZINFORM - Облыс орталығында жылыту маусымы басталды. Бүгіннен бастап қаладағы әлеуметтік нысандар орталықтандырылған жылуға қосылып жатыр.
Павлодар қаласы әкімдігінің қаулысына сәйкес, 14 қыркүйектен бастап 2026-2027 жылғы жылыту маусымы басталды.
- 14 қыркүйектен бастап әлеуметтік нысандар мен жеке тұрғын үй секторын кезең-кезеңімен жылумен қамтамасыз ету басталды. Бұдан әрі 28 қыркүйектен бастап көпқабатты тұрғын үйлер де кезең-кезеңімен жылумен қамтамасыз етіледі, - деп хабарлады жылумен қамтамасыз ететін компаниядан.
Жылуды кезең-кезеңімен қосу тәсілі жүйелерде гидравликалық баптауды жүргізуге, инфрақұрылымды біртіндеп жылытуға және жылуды іске қосу кезінде жылу желілеріне түсетін жүктемені жеңілдетуге мүмкіндік береді.
Бүгінде Павлодар қаласында көпқабатты 1226 пәтер бар.
Бұған дейін Ертіс-Баян өңірінің үш қаласында 2526 көппәтерлі тұрғын үй бар екенін, оның 2464-і жылу маусымына дайын екенін жазғанбыз.
