Павлодар қаласы әкімінің орынбасары тағайындалды

АСТАНА. ҚазАқпарат - Бүгін қалалық мәслихаттың 12-кезектен тыс сессиясында Павлодар қаласы әкімінің экономикалық мәселелер жөніндегі орынбасары тағайындалды.

Өзінің жаңа орынбасары Берік Ақылбековты шаһар басшысы Нұржан Әшімбетов таныстырды деп хабарлайды pavlodarnews.kz.

« Берік Ахмедиянұлы Павлодар облысының тумасы. 1971 жылы Качир ауданы, Бобровка ауылында дүниеге келген. Жоғары білімі бар. 1988-1993 жылдар аралығында Алматы халық шаруашылығы институты - Қазақ мемлекеттік басқару академиясында, 1998 жыл - Қазақстан Республикасы Президенті жанындағы ұлттық жоғары мемлекеттік басқару мектебінде білім алған.  Бұған дейін ҚР инвестициялар  және даму министрлігінде, Өскемен қаласы әкімінің кеңесшісі болып жұмыс істеген», - деді Нұржан Әшімбетов.