Павлодар мемлекеттік университетінің профессоры А. Богомолов Ломоносов атындағы медальмен марапатталды

АСТАНА. ҚазАқпарат - Павлодар мемлекеттік университетінің металлургия кафедрасының профессоры (доцент) Алексей Богомолов металдардың деформациялық-термикалық үдерісін дамыту және өңдеу саласына зор үлес қосқаны үшін М.В.Ломоносов атындағы диплом және медальмен марапатталды.

Алексей Богомолов Еуропалық ғылыми-өнеркәсіптік консорциумының марапатына - "PRIMUS INTER PARES" (ТЕҢДЕРДІҢ АРАСЫНДАҒЫ БІРІНШІСІ) орденіне ие болған алғашқы қазақстандық ғалым.

А.Богомолов - 150-ден аса ғылыми мақалалардың, 22 өнертабыстардың авторлық куәліктері мен патенттерінің, 10 оқу-әдістемелік құралдары мен 2 монографиялық жұмыстардың авторы.