Павлодар облысында бірлескен кәсіпорындар металлургия, химия, тамақ өнеркәсібінде шоғырланған
ПАВЛОДАР. KAZINFORM - Ертіс-Баян өңірінде ресейлік компаниялармен бірлескен 860-тан астам кәсіпорын жұмыс істейді.
Бірлескен кәсіпорындар машина жасау, металлургия, химия, тамақ өнеркәсібі және сауда-саттық салаларында жиі кездеседі.
- Қос елдің бірлескен кәсіпорындарының табысты бизнес-ынтымақтастығының жарқын өкілдері «Railways Systems KZ» ЖШС (бағыттама өнімдерін, жолдың жоғарғы құрылымының элементтерін және темір жол құрамына арналған жиынтықтауыштарды өндіреді), «Вектор Павлодар» ЖШС (автомобиль дискілерін шығарады), «ROSSDORCOM KZ» ЖШС (дайын металл бұйымдарын немесе жартылай фабрикаттарды өндіру, престеу, штамптау және илемдеу), «Kazcenospheres» ЖШС (қуыс алюминий силикатты микросфера өндірісі) және тағы басқалары. Ресейлік компаниялар өздерінің сауда орталықтарын, филиалдары мен өкілдіктерін Павлодар, Екібастұз, Ақсу қалаларында ашып отыр, - деп хабарлады өңірлік кәсіпкерлік және индустриялық-инновациялық даму басқармасынан.
Еске сала кетейік, Өзбекстанда қазақстандық капиталмен жұмыс істейтін компаниялар көбейді.
