Павлодар облысы аумағының 2011-2015 жылдарға арналған даму бағдарламасының жобасы дайындалып жатыр

ПАВЛОДАР. Қыркүйектің 23-і. ҚазАқпарат /Николай Кузнецов/ - Аймақ басшысы Бақытжан Сағынтаевтың қатысуымен әкімдікте өткен отырыс барысында Павлодар облысы аумағының 2011-2015 жылдарға арналған даму бағдарламасының жобасы қаралды,

деп хабарлады әкімнің баспасөз қызметі.

Құжатың негізгі мазмұнымен экономика және бюджетті жоспарлау бөлімінің бастығы Галина Давдрикова таныстырып өтіп, жоба Мемлекет басшысының «Қазақстан Республикасындағы мемлекеттік жоспарлау жүйесі туралы» Жарлығына сай жүргізіліп отырғанын атап өтті.

«Бағдарлама облыстағы негізгі құжатқа айналатын болады, және де бұрын қолда бар ондаған аймақтық жобалардың орнын ауыстырады», - де атап өтті Г. Давдрикова.

Кеңесті қорытындылай отырып, Б.Сағынтаев алдағы уақытта аймақтың бас құжатының әрбір бағытын талқылау керек деп атап өтті.