Павлодар облысы тұрғындарынан заңсыз қаруды тапсыру мерзімі ұзартылды
ПАВЛОДАР. 2 қазан. ҚазАқпарат - Халықтан заңсыз сақталатын дәрімен атылатын қаруды, оқ-дәрілерді және жарылғыш заттарды тапсырып, өтеуін төлеп алу мерзімі 31 қазанға дейін, тағы бір айға ұзартылды, деп хабарлады Павлодар облысы ІІД баспасөз қызметінен.
Қыркүйек айында облыс тұрғындары ІІБ-де тіркелмеген 186 қаруды, соның ішінде 33 иір ойықты мылтық және оған арналған 2429 патронды тапсырды. Барлық тапсырылған оқпанға сараптама тағайындалды.
Өз еркімен қару-жарақтарды тапсырғаны үшін биыл 16,3 млн. теңге көлемінде ақшалай компенсация бөлінді.
